Türkiye Büyük Millet Meclisi Riyaset-i Celilesine
Of kazası menba’ı ulûm-i âliye-i diniye ve mukırr-ı ulema denmeye layık ve seza olduğu vareste-i arz ve izah ve seksen bini müseccel ve kırk bini gayr-i müseccel olmak üzere yür yirmi bin raddelerinde kesafeti nüfus ve on sekiz saat murebba’ında vüsat ve cesamet-i araziye malik ve ekser kurâsında medâris-i ilmiye mevcut olup harb-i umumi dolayısıyla düşma tarafından kısmen hadm ve ihrak olmasına rağmen ahalinin meslek-i ilmiyeye karşı öteden beri göstermiş oldukları revâbit-i mansûbe üzerine bütün yokluklarımızla bu daru’l-irfanımızın tamir ve inşaatı mühemmen imkan ikmal edilegelmiş ve bin üç yüzü mütecaviz talebe-i ulum bi’l-fiil tedris etmekte bulunmuş iseler de mevcut medaris tabii müteferrik kurâda olmasından bunların bir merkeze rabtı ve bu suretle matlub ve ? derecede fevaid ve menafi’ ve istifade temini ve usul ve teşkilat-ı cedide vecihle ıslah ve ikmali ötedenberi arzu olunmakta ve Darulhilafe teşkilatı bu arzumuzun tatmin ve teminine ezher-i vucuh-i kafil bulunmakta olduğu cihetle bu noktadan emsaline nisbet ve kıyas kabul etmeyecek derecede evsâfı câm’i olması itibariyle kazamızda Darulhilafeti’l-Âliye medresesinin teşkil ve küşadı vucubu vareste-i reyb ve istinbah bulunmuş ve eşedd-i ihtiyaç görülmüş olmakla Trabzon ve Lazistan havalisi dahilinde bu teşkilata enseb ve erşed Of’tan başka bir kasaba bulunmadığından medrese-i mezkürenin teşkili ve pek muhtaç bulunduğumuz ve bizce pek mübrem görülmüş işbu ihtiyaç-i umuminin temini ve mevki itibariyle tabi-i varisi olan Hukuk Mektebemizin ihkak ve is’afını an samimil-kalb istirham eyler ve kariben fiile gelmesine, intizar ederiz efendim. Ol babda ferman.
(mühür).
Müderrisinden İdris bin Hasan (mühür)
Müderrisinden (mühür)
Müderrisinden (mühür)
Müderrisinden (mühür)
Azadan İdris bin Hasan (mühür)
Azadan (mühür)
Azadan Dursun Feyzi (mühür)
Of kazası Encümen-i İlmiye Reisi müftü Hafız Yunus (mühür)
Of Meclis-i Belediye Heyeti (mühür içinde)
Bâlâda istirhamnamede mevzu bahs olan mevâd mukarin-i hakikat olduğu ve zirinde vazi’ mühürler kaza encümen-i ilmiye riyaseti ve azalarının ve müderrisin-i kiram hazeratının mühürleri olduğu ve maruz istirhamnameye iştiraken temhir ve tasdik eyleriz olbabda. 30 Teşrinievvel 1339
Of kazası belediye reisi (mühür). Katip (mühür). Aza (mühür). Aza (mühür). Aza (mühür) Aza (mühür)